sokar
عدد الرسائل : 16
العمر : 38
الموقع : google.com
تاريخ التسجيل : 01/04/2008
 |  موضوع: حوار لطيف بين زوج وزوجته خفيف  الجمعة أبريل 04, 2008 1:57 pm | |
|
هو:
حبيبتي أنا حأطلب بيتزا ، عايزة حاجة ؟
هي:
لا يا حبيبي
هو :
اوكي
هي:
ولا اقولك ..؟
هو:
ها ، أطلب لك كمان ؟
هي:
مش عارفة
هو :
مش عارفة اذا كنتي عايزة ؟
هي:
لا
هو:
انتي جعانة ؟
هي:
يعني
هو :
يعني إيه يعني...؟
هي:
يعني مش متأكدة اذا كنت جعانة ولا لأ.
هو:
الواحد لما بيكون جعان بيعرف
هي :
لأ بس يمكن اجوع بعدين
هو:
يعني اطلب لك بيتزا؟
هي:
طيب واذا ما كنتش جعانة وقتها..؟
هو :
ما تاكليش
هي :
بس ده كدة يبقى تبذير
هو:
خلاص ، تبقي تاكليها بكرة
هي:
و اذا ما كانش لي نفس آكل بيتزا بكرة؟
هو :
مش محتاجة نفس ، الواحد عادي ممكن ياكل بيتزا كل يوم
هي:
انا لا .. أنا مش باكل بيتزا الا لما يكون عندي نفس للبيتزا
هو:
طيب بلاش ، أطلب لك حاجة تانية؟
هي:
بس أنا مش عايزة حاجة تانية
هو:
يعني عايزة بيتزا؟
هي :
لا
هو:
يعني مش عايزة حاجة؟
هي:
لأ برضه
هو :
جننتيني ، طب أعمل إيه؟
هي:
اطلب انت لنفسك
هو:
الحمد لله ، اخيرا .. ماشي ..
هي :
بس اطلب بيتزا بالتونة
هو:
نعم ؟ انا مش بحب البيتزا التونة
هي:
بس انا بحبها
هو:
وانتي مالك ؟ هو انا حاطلب ليا ولا ليكي
هي:
ليك طبعا
هو:
طيب أطلبها ليه بأة بالتونة...؟
هي:
يمكن اجوع لما يوصل الاكل
هو :
وبعدين؟
هي:
يا سلام ، يعني تفتكر آكل حاجة مش عاجباني؟
هو:
ليه هو انتي – أصلاً - عايزة تاكلي؟
هي :
ليه لأ ؟
هو:
يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟
هي:
بالضبط
هو:
وأنا بلاش آكل؟
هي:
يمكن وقتها أكون مش جعانة
ملاحظة
محكمة الجنايات قررت تبرئة الزوج من تهمة
"قتل الزوجة مع سبق الإصرار والترصد"
وتحويل التهمة إلى ..
"قتل الزوجة دفاعاً عن النفس
| |
|
سفير الحب
نائب المدير
عدد الرسائل : 25
العمر : 40
الموقع : google.com
تاريخ التسجيل : 21/03/2008
| | موضوع: رد: حوار لطيف بين زوج وزوجته خفيف السبت أبريل 05, 2008 6:57 am | |
| ههههههههههههههههههههههه بجد والله والله مش قادر امسك نفسى انت مشكله  | |
|
